Ձեր վստահելի աղբյուրը

«Ադրբեջանում ձերբակալված լրագրող Ռաուֆ Միրկադիրովը հերքում է պետական դավաճանության մեջ իրեն առաջադրված մեղադրանքները: Նա մերժել է վկայություն տալ քննիչներին»,- տեղեկացրել է նրա պաշտպան Ֆուադ Ագաևը:

Ադրբեջանի գլխավոր դատախազությունը հայտարարում է, որ լրագրողը իբրև թե համագործակցել է Հայաստանի հատուկ ծառայությունների հետ 2008թ.-ից: Միրկադիրովը համարում, որ մեղադրանքները քաղաքական դրդապատճառներ ունեն: Այս մասին տեղեկացնում է «Кавказский узел»-ը:

«Զերկալո» ադրբեջանական թերթի լրագրող Ռաուֆ Միրկադիրովին ձերբակալել են ապրիլի 18-ին Անկարայում, ըստ ոստիկանության` փաստաթղթերի ժամկետանց լինելու պատճառով: Ապրիլի 19-ին Միրկադիրովին արտաքսել են Ադրբեջան, որտեղ նա անմիջապես ձերբակալվել է և նախնական կալանքի տակ առնվել պետական դավաճանության կասկածանքով: Ապրիլի 21-ին Բաքվի դատարանը նրան երեք ամսվա նախնական կալանք է տվել:

«Ռաուֆ Միրկադիրովը հրաժարվելէ ցուցմունք տալ, քանի որ իրեն առաջադրած մեղադրանքները անհեթեթություն է համարում»,- մամուլի ասուլիսի ժամանակ ասել է Ֆուադ Ագաևը:

Միրկադիրովը մեղադրվում է Հայաստանի հատուկ ծառայությունների հետ համագործակցության մեջ. մասնավորապես, ինչպես նշում է նրա պաշտպանը, նրան մեղադրում են երեք տարբեր վայրերում 2008-ից 2009 թվականներին Հայաստանի հատուկ ծառայություններին պետական գաղտնիք համարվող ռազմական տեղեկատվության տրամադրման մեջ, այդ թվում Ադրբեջանի զինված ուժերի տեղակայման վայրերի մասին:

«Սակայն խոսքը գնում է Հայաստան կատարած այն այցելությունների մասին, որոնց ընթացքում նա մասնակցել է միջազգային կոնֆերանսների: Մյուս կողմից, գաղտնի ինֆորմացիան չէր կարող հասանելի լինել Միրկադիրովի համար: Իսկապես, հետաքննության այդ պնդումները տրամաբանությունից դուրս են և հիմքեր չունեն»,- համոզված է Ագաևը:

«Քննչական մարմինները դեռևս չեն բացահայտում, թե ինչ կերպով է Միրկադիրովը այդ տեղեկատվությունը փոխանցել Հայաստանի ծառայություններին»,,- նշում է փաստաբանը:

«Հնարավոր է, որ հետաքննությունը որևէ նկարներ կամ ձայնագրություններ ունի, որտեղ Միրկադիրովը միևնույն սեղանի շուրջ է նստած Հայաստանի ներկայացուցիչների հետ: Սակայն անհեթեթություն է այդ հիմքերի վրա հայտնի լրագրողին ձերբակալելը»,- գտնում է Ագաևը:

«Որպես Հայաստանի հատուկ ծառայությունների երկու ներկայացուցիչներ, ում հետ ըստ հետաքննության համագործակցել է Միրկադիրովը, մատնանշվում են Լաուրա Բաղդասարյանը և ևս մեկ Հայաստանի քաղաքացի, ում հետ Միրկադիրովը ծանոթ չէր»,- նշում է պաշտպանը:

Ագաևը ասել է, որ Բաղդասարյանը Հայաստանի քաղաքացիական հասարակության ներկայացուցիչ է («Ռեգիոն» ՀԿ ղեկավար), որի հետ 2001թ.-ից «Ադրբեջանի խաղաղության և ժողովրդավարության ինստիտուտը» համատեղ ծրագրեր է իրականացնում, իսկ 2005թ.-ից համատեղ հրապարակումներ են կատարում: Բաղդասարյանին հիշատակելը, ըստ փաստաբանի, վկայում է այն մասին, որ «գործը Միրկադիրովին ձերբակալելով չի վերջանա. Ադրբեջանի քաղաքացիական հասարակության այլ ներկայացուցիչներ և քաղաքական գործիչները, ովքեր նմանատիպ համատեղ ծրագրերի են մասնակցել, նույնպես կարող են հետապնդվել»:

Ագաևը նշում է, որ ապրիլի 9-ին Միրկադիրովին կանչել են Թուրքիայի տեղեկատվության և հրապարակման կոմիտե ու զրկել հավաստագրումից` առանց որևէ բացատրության: Հետևաբար, ըստ Թուրքիայի օրենքի, նա պետք է լքեր երկիրը 15 օրվա ընթացքում:

«Սա տեղի է ունեցել Թուրքիայի վարչապետ Ռեջեփ Թայիփ Էրդողանի Ադրբեջան այցելելուց երեք օր հետո: Միրկադիրովը համարում, որ երկու երկրների միջև տեղի ունեցող քաղաքական առևտրի զոհ է դարձել: Նա ենթադրում է, որ կողմերը փոխանակել են անցանկալի անձանց ցուցակներ, ովքեր քաղաքական հետապնդման պիտի ենթարկվեն»,- նշել է փատաբանը` հավելելով, որ Թուրքիայի իշխանությունները կոպտորեն խախտել են Միրկադիրովի իրավունքները և նրան ոչ թե արտաքսել են, այլ հանձնել:

Ագաևը գտնում է, որ Միրկադիրովի դեմ առաջադրված մեղադրանքները անհիմն են:

«Ադրբեջանի ազգային անվտանգության ծառայողներն անկախ իրենցից օգնել են հայերին»,- ասել է նա` նշելով, որ Միրկադիրովը երկար տարիների ընթացքում «ապացուցել է Հայաստանի` Լեռնային Ղարաբաղի նկատմամբ պահանջների անհիմն լինելը»:

Ադրբեջանի գլխավոր դատախազության հայտարարությունում ասվում է, որ  «Հայաստանի, Վրաստանի, Թուրքիայի տարածքում տեղի ունեցած հաճախակի հանդիպումների ընթացքում լրագրողը Հայկական անվտանգության ծառայությունների հրամանով փոխանցել է Ադրբեջանի հասարակական, քաղաքական և ռազմական ոլորտների վերաբերյալտեղեկատվություն, այդ թվում պետական գաղտնիքներ: Տեղեկատվության հետ համատեղ տրամադրվել են նաև նկարներ և սխեմաներ Ադրբեջանի հանդեպ թշնամական գործունեության ժամանակ օգտագործելու համար»:

Ադրբեջանի գլխավոր դատախազությունում գտնում են, որ Միրկադիրովի գործողությունները «ուղղված են եղել պետության ինքնիշխանության, անվտանգության, տարածքային ամբողջականության դեմ»:

Միրկադիրովի դեմ քրեական գործ է հարուցվել 274 հոդվածով (պետական դավաճանություն), որի համար նախատեսվում է պատիժ` 10 տարուց սկսած մինչև ցմահ ազատազրում:

Իր հերթին, Ադրբեջանի խաղաղության և ժողովրդավարության ինստիտուտը դատապարտել է Միրկադիրովի հետապնդումը:

«Լրագրողին հետապնդում են Հայաստանի և Ադրբեջանի համատեղ նախագծերին և ծրագրերին մասնակցելու համար»,- գտնում է ԱԽԺԻ տնօրեն Լեյլա Յունուսը:

«Ադրբեջանը պատասխանատվություն է կրում Եվրոպայի խորհրդի առաջ` Ղարաբաղի համակարտության խաղաղ կարգավորման համար: ԵԱՀԿ Մինսկի խմբի համանախագահները մշտապես կոչ են անում ուժեղացնել «ժողովրդական դիվանագիտությունը»: Այն դեպքում, երբ զինադադարից 20 տարի անց իշխանությունների ջանքերը արդյունավետ չեն եղել խաղաղության հաստատման գործում, երբ թշնամու կերպար ստեղծելու աշխատանքներ են տարվում, քաղաքացիական հասարակության ակտիվիստների համագործակցությունը շատ կարևոր է»,- նշել է Յունուսը:

Նրա խոսքով` դա հասկանում են Ֆրիդրիխ Էբերտի հիմնադրամում (Գերմանիա) և Բրիտանիայի ու Լեհաստանի` Հայաստանում և Ադրբեջանում դեսպանատներում, Եվրամիությունում և այլ միջազգային կազմակերպություններում և հիմնադրամներում, որոնք աջակցում են Հայաստանի և Ադրբեջանի միջև տեղի ունեցող համատեղ նախագծերին:

«Բացի այդ, ԵՄ-ի նախաձեռնությանբ ներկայումս ստեղծվել է «Եվրոպական համագործակցություն հանուն Լեռնային Ղարաբաղի հակամարտության խաղաղ կարգավորման» ( EPNK ) հատուկ կառույցը, որը կոորդինացնում է 5 միջազգային կազմակերպությունների գործունեությունը (Conciliation Resources, Crisis Management Iniсiative, International Alert, The Kvinna Foundation и LINKS), որի հիմնական նպատակը մի շարք խաղաղարար ծրագրերի ու երկու ժողովուրդների համատեղ հանդիպումների շնորհիվ Լեռնային Ղարաբաղի կոնֆլիկտի տրանսֆորմացիան է»,- հավելել է Յունուսը:

Միրկադիրովը այս ծրագրերի ակտիվ մասնակից է եղել և դրանց վերջում իր վերլուծական հոդվածներն է տպել:

Միրկադիրովի հանդեպ առաջադրված մեղադրանքների ճշմարտացիությունը նաև կասկածի տակ են դնում Ադրբեջանի այլ ԶԼՄ-ների և քաղաքացիական հասարակության ներկայացուցիչներ:

«Թուրան» լրատվական գործակալության տնօրեն Մեհման Ալիևը չի հավատում, որ Միրկադիրովը Ադրբեջանի դեմ որևէ գործողություն կարող էր իրականցանել: Միրկադիրովը 2010թ.-ին ստիպված է եղել լքել Ադրբեջանը` ճնշումների պատճառով:

«Նա Ադրբեջանի իշխանություններին քննադատող հոդվածներ էր տպագրել: Վերջերս նա քննադատում էր Ադրբեջանի, ինչպես նաև Թուրքիայի իշխանություններին մարդու իրավունքի և ժողովրդավարության խախտման պատճառով: Հնարավոր է` Էրդողանի և Ադրբեջանի իշխանությունների բացասական վերաբերմունքի պատճառով էլ այսպիսի միջոցներ են օգտագարծվում նրա դեմ»,- ասել է Ալիևը:

«Միրկադիրը հայտնի էր որպես հայրենասեր մարդ »,- նշել է Մեհման Ալիևը և հավելել, -Եթե Միրկադիրովի համար իր շահը ավել բարձր լիներ, նա չէր լքի Ադրբեջանը, կմնար և կաշխատեր իշխանությունների մոտ: Այդ իսկ պատճառով քիչ հավանական է, որ մեղադրանքները հիմքեր ունենան»:

«Միրկադիրովի հոդվածներում երբեք Ադրբեջանի շահերի դեմ ոչինչ չի եղել: Իսկ ինչ վերաբերվում է նրա քննադատական հոդվածներին, ապա նա լրագրող է և իրավունք ունի աիտահայտելու իր կարծիքը: Մեր իրավապաշտպան կազմակերպությունների մոնիթորինգային ծառայությունը ուշադիր կերպով զբաղվելու էՄիրկադիրովի գործով»,- ասել է կանանց իրավունքների պաշտպանության կենտրոնի տնօրեն, իրավապաշտպան կազմակերպությունների մոնիթորինգայի խմբի անդամ Նովելա Ջաֆարլոուն:

Ադրբեջանի ազգային անկախության կուսակցության ղեկավար Էթիբար Մամեդովը զարմացել է Միրկադիրովի ձերբակալության փաստից:

«Ես չեմ հավատում, որ նա պետությանը կդավաճաներ»,- ասել է նա:

Միրկադիրովի մեղադրանքների ճշմարտացիությունը նաև կասկածի տակ է դրել ադրբեջանցի լրագրող և «Ветер с Апшерона» բլոգի հեղինակ Քեմալ Ալին:

«Ինչպե՞ս կարող էին հայերը գնել նրան: Կամ ինչո՞վ, փողո՞վ: Միրկադիրովին փողը չի հետաքրքրում»,- նշել է նա:

«Միրկադիրովը չէր կարող պետական գաղտնիք իմանալ, այդ իսկ պատճառով, նա չէր կարող հայտնել դրա մասին: Իսկ եթե նրան «վերացնելու» քաղաքական պատվեր կա, դա ուրիշ հարց է: Կարելի է նաև հայի հետ ձեռքսեղման համար ձերբակալել»,- նշում է նա:

«Այն պնդումը, թե Ադրբեջանի վաստակավոր լրագրող, որը հայտնի է նույնիսկ երկրից դուրս, վերլուծաբան Միրկադիրովը կարող է լրտեսությամբ զբաղվել հայերի համար բացարձակ անհեթեթություն է»,- համոզված է Ալին: